Read this post in English

ცოტა სიურეალისტურია, როცა ასე ნაცნობად გრძნობ თავს სახლიდან ასე შორს მდებარე ადგილას. პარასკევს, თბილ საღამოს, როდესაც თბილისის სახელმწიფო კონსერვატორიის ნაცნობ ფასადს მივუახლოვდი, თაკო ჟორდანიას ხმა ამოვიცანი, რომელმაც აივნიდან დამიძახა. გასული წლის იმავე ოთახში შესვლისას, მოცარტისა და ბეთჰოვენის მუდმივი პორტრეტები კვლავ გვიყურებდა, სანამ სკამებსა და მუსიკალურ ინსტრუმენტებს ვაწყობდით.

პარტნიორული მხარდაჭერის შეხვედრა

შემდეგ კი, რა საოცარი იყო ჩვენი პარტნიორული მხარდაჭერის შეხვედრის ოთახში ნაცნობი სახეების დანახვა! შვიდი დამსწრე წარმოადგენდა დისტანციური სწავლების პროგრამის სტუდენტების ორ სხვადასხვა ჯგუფს, მუსიკალური თერაპიის ცენტრის სუპერვაიზიის პროგრამის მონაწილეს და მარტა გოგოლიძეს, რომელიც 2011 წელს „Music as Therapy International“-ის პირველივე სასწავლო პროექტის შემდეგ ერთგული პრაქტიკოსია საქართველოში. რა თქმა უნდა, თბილისში არცერთი პროექტი არ იქნებოდა სრულყოფილი ჩვენი შესანიშნავი თარჯიმნის, ელისო გვასალიას გარეშე, რომელიც შაბათ-კვირის აქტივობებზე თან გვახლდა. დამხმარე შეხვედრის თემა იყო ჩვენი წარმატებების გაზიარება და ერთმანეთის მხარდაჭერა ჩვენი სამუშაოს გამოწვევებში. ადვილი იყო საერთო თემების პოვნა, რომლებიც ყველასთვის გასაგები იყო, მათ შორის სამუშაოსადმი თავდაჯერებულობისა და სიამაყის გაზრდა, პრაქტიკოსის იდენტობის განვითარება და უნარების თეორიიდან პრაქტიკაში გადატანა. საოცარი იყო შეხვედრის დასრულების შემდეგ ყველასთან დაკავშირებისა და საკონტაქტო ინფორმაციის გაცვლის დანახვა.

„ინტენსიური სასწავლო ტრენინგის

პარასკევი საღამო ძველ მეგობრებთან შეხვედრაში გავატარე და სასიამოვნო იყო შაბათ-კვირის დარჩენილი ნაწილის განმავლობაში ახალი ნაცნობების შეძენა დისტანციური სწავლების პროგრამის ახალ ჯგუფთან ერთად. ეს 10 სტუდენტი საქართველოს სხვადასხვა რეგიონიდან ჩამოვიდა ინტენსიური სასწავლო ტრენინგის ფარგლებში ერთად სწავლის გასაგრძელებლად. როგორც ჩანს, ყველა მათგანი ორი დღის განმავლობაში სრულად იყო ჩართული სწავლის, განხილვისა და მუსიკის შექმნის პროცესში. ერთ-ერთმა სტუდენტმა მეორე დღეს თქვა: „გუშინ ღამით ვერ დავიძინე, რადგან ვერ ვწყვეტდი იმაზე ფიქრს, რაც ვისწავლეთ. აქამდე არასდროს მიგრძვნია თავი ასე ტრენინგის დროს!“.

არ ვიცი როგორე გამოვხატო უზომო კმაყოფილება ადგილობრივ მუსიკალურ თერაპევტ თაკო ჟორდანიას მიმართ, რომელიც დისტანციურ სწავლებას 8 თვის განმავლობაში ხელმძღვანელობს – დიდი პატივია მასთან ერთად მუშაობა და ამ უზარმაზარ მნიშნელოვან პროცესში მცირე წვლილის შეტანა.

რადგან ეს ჩვენი ორდღიანი ინტენსიური შეხვედრების მესამე წელია, ჩვენი თანამშრომლობა ძალიან კარგად გვაქვს დახვეწილი და წელსაც ყველაფერმა შეუფერხებლად წარიმართა. მიუხედავად ამისა, ჩვენ განუწყვეტლივ ვსწავლობთ პროცესიდან და სტუდენტების უკუკავშირიდან და გვაქვს ახალი იდეები შემდეგი შეხვედრისთვის.

თბილისის ხიბლი ჩემთვის ჯერ კიდევ არ დაძველებულა. სიამოვნებით გავატარე დრო სამსახურში, როგორც სტუმრად; ვესტუმრე ჩემს საყვარელ ბაზარს, დავტკბი საჭმლითა და ღვინით და საბოლოოდ ასრულდა ათწლიანი გეგმა, მენახა თოჯინების სპექტაკლი სანახაობრივ გაბრიაძის თეატრში. ერთი წლის წინანდელი ვიზიტის შემდეგ კიდევ რამდენიმე თვის განმავლობაში ქართული ენის გაკვეთილები მქონდა, ამიტომ ენისადმი ჩემი თავდაჯერებულობა კვლავ გაიზარდა და ბევრი ღიმილი, კავშირის მომენტები და უცნაური ფასდაკლება მომიტანა! ყოველ ჯერზე, როცა ვსტუმრობ, მიხარია ახალი აღმოჩენების გაკეთება, ასევე ნაცნობის ხელახლა ნახვა – როგორც თავად ადგილას, ასევე იმ სამუშაოში, რომელსაც იქ ვაკეთებთ. მომავალში კიდევ უფრო მეტ აღმოჩენას ველი!