(Read this in English.)

Itandukaniro rikomeye tubona ni mu buryo abafatanyabikorwa bacu benshi bakoresha umuziki nyuma yo kugira uruhare mu bikorwa byacu, rihuye cyane n’ibyiciro bibiri bya mbere bigaragara muri Theory of Change yacu ku rwego rwa 1 (Uburambe) n’urwego rwa 2 (Gushakashaka):

  • Icyiciro cya 1 (Kugira Uburambe): Aha ni ho umuntu yinjira bwa mbere mu kumenya akamaro k’umuziki kuri we ubwe no ku bo yitaho – urugero nko kumenya uko yakoresha umuziki, kumva atekanye, no kugirirwa icyizere.
  • Icyiciro cya 2 (Gushakashaka): Nyuma yo kubimenya, hatangira urugendo rwo gushakisha byinshi umuziki ushobora kugeraho – urugero: abita ku bandi batangira kubamenya neza kurushaho, kugira uburambe  mu buryo bufite agaciro binyuze mu muziki.

Ariko kandi, biratangaje cyane iyo tubonye uburyo bamwe mu bafatanyabikorwa bacu bashyize umuziki rwose mu bikorwa byabo bya buri munsi, nk’uko bigaragara mu cyiciro cya 3 (Gushyira mu Bikorwa – Embed) cy’iyo gahunda yacu. Hamwe n’abafatanyabikorwa bacu bo muri Youth Led Musical Therapy (YLMT) mu Rwanda twabonye ko bagenda bakura, nyuma y’uko tubashyigikiye kandi tukabaha icyizere cyo kwagura uburyo bakoresha umuziki. Vuba aha, batangije ibikorwa bishya byo kwamamaza akamaro k’umuziki mu kwita ku bandi.

Umwaka ushize, Audace Musoni wo muri YLMT yagiranye ikiganiro na Dr Nicky Haire, umwe mu bagize inama ngishwanama yacu, kandi wari umaze no gukora ibikorwa bitandukanye mu Rwanda. Intego y’icyo kiganiro yari ugukora imfashanyigisho y’amasomo Dr Nicky ashobora gukoresha yigisha abanyeshuri biga umuziki nk’ubuvuzi muri Queen Margaret University i Edinburgh, mu Bwongereza. Muri icyo kiganiro, Audace agaragaza icyizere afite cy’uko YLMT izagera aho iba urubuga ruhuza abantu bose bakoresha umuziki nk’uburyo bwo gufasha mu karere ka Afurika y’Iburasirazuba. Hasi aha, urahasanga bimwe mu bice by’iyo videwo ushobora kureba kugira ngo wumve byinshi kuri Youth Led Musical Therapy n’icyerekezo cy’ikoreshwa ry’umuziki nk’ubuvuzi mu Rwanda.


Icyitonderwa: Ikiganiro kiri muri videwo kiri mu cyongereza kandi iyo videwo ifite inyandiko (subtitles) ziri mu cyongereza.